منتديات السفينة
اهــلا وسهــلا بك عزيزي الـزائر الكريم ..في منتديات السـفينة ملتقى الاحبة ....
ندعوك للانتساب الينا لتكون ضمن اسرة منتديات السفينة ..وحياك الله


منتديات السفينة
 
الرئيسيةس .و .جبحـثالأعضاءالمجموعاتالتسجيلدخول
بعد الاتكال على الله وعون منه ... تم افتتاح منتديات السفينة .. ملتقى الاحبة .. من اجل نشر الثقافات وكل ماهو مفيد بين كل اطياف المجتمع .. لذا ندعوكم للانتساب الى منتدانا من أجل اختيار مشرفي ومراقبين الاقسام والمنتديات.. من أجل الارتقاء بمنتدانا الى اعلى المستويات .. فهو منكم واليكم ,, والله ولي التوفيق .. ادارة منتديات السفينة
رمضان كريم على الجميع ... وصياما مقبولا وافطارا شهيا ,,,,, ادارة منتديات السفينة

شاطر | 
 

 ازهيريات من الديره

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابواسامه

avatar

عدد المساهمات : 19
تاريخ التسجيل : 11/10/2011

مُساهمةموضوع: ازهيريات من الديره   الخميس فبراير 09, 2012 2:38 pm


الحبل بيده وروحي ابير ماتلها
وشكثر نادت عليه أبشوك ماتلها
ضلت حزينة عكب فركاه ماتلها
وتشري الذي باعني وبرخص ثمن له تبـــع
جنت آني جر ناس ودعاني زماني تبـــــــــع
دعيت يوم هجرني وللعواذل تبــــــــــــــــــع
إن شاء الله يموت كل الناس ماتلها


تلهم يكلبي صبر لعيون من تلهم
ما ضلك أعروك يا مسكين منتلهم
شدّوا عيونك نكس زتوك من تلهم
خلوك مهموم ها يم في دجى حالك
ناديتهم بالعسر ما حوموا حولــــك
دور وطي النفس حاله مثل حالك
وترك هواهم هذوله أكبار منتلهم



عت الزمان الكضيت العمر عتلهم
العافك ونتَ بليه راي عتلهم
ونجان ما يشترونك جيب عتلهم
نوح ونين وغثى وهم وأسى وعناك
وتركهم ولا تسل عل ما سأل عناك
ولعن زمان الذي الشوفهم عناك
الزتوك كَلي عليش أتحوم عتلهم



مازا لك أتعرفهم هذوله أكبار من تلهم
شجا بك عليهم عجل وتحوس عتلهم
ويزيد حملك قهر فوك القهر تلهم
خلك اشوية وزن لاتكضي عمرك لهو
والمايحبك صدك عيب اتكلط لـــــــهو
دور عل يحبك هو لك ونته لــــــــــــهو
ولا تكول سمسم إذا مو بيدك جمع تلهم


هجر المحب للمحب أصبح امر واردي
وشجار حبنا اذبلت ماضن بعد واردي
نيران هجر الولف بس السنه ور ادي
شحال الدليل الذي حطو عليه اوجــاد
وشفتك حزين وكلت حزنك شقى لوجد
ونك حزين ولأن داست عليك جــــــياد
اني شكول وعلي داس النذل والردي


أي المدائن أرى أمثالكم تاجي
يامن وفاكم إلي فوك الرأس تاجي
دورت نينوى والعاصمة وتاجي
نادر وجود ا لذي أمثالكم بالحسن
والكلب مايل لكم بس عاملوه بحسن
مشتاك الشوفكم بس الوكت مو حسن
وهذا سلامي للأسف ماصحلي تاجي


يامن صدودك تلف مني الدليل وبرى
ساهرت لجلك ليالي اركب خيالك برى
سفان بحرك ولآلي من دليل وبرى
ويومن نويت الهجر مايمنعك ثاني
أمسيت مسجون مازال الفرح ثاني
هاك اخذ جرحي المضى عود اجرح الثاني
ايصير تجرح جرح جوى جرح مابرى


خسرت ميزان ولفك يا لخوي أبجيلك
وحنا أنتنازل عن أحكوك الهوى جيلك
كلما اجلب عضو من اعضاي ون بي جيلك
ايضآ وخليت في لب الحشى لك وشم
وماكنت وياك اسمع بالسعادة واشم
برغم أني صابر على مر المرار واشم
بس افطن لميلات دهرك بيك وبجيلك

ياهي يلي جبينج نور ماضنتي
ولج سهم ابلب احشاي ما ضنتي
مستقبل الروح والحاضر والماضي انتي
وعلاج جرحي ثلث بوسات من شافج
هنيال من صابحج هنيال من شافج
عاين طبيب الكلب وشكال من شافج
تريد عكب الجفوك اطيب ماضنتي


لجلك أحبال الوصل ما قصرت شديت
وبطور لحن الوفى صبح ومسى شديت
أديت عهد ألعلي ورد أ سألك شديت
غير التجافي الذي منه الجسد واني
هيمت بوم النقط بجفوف من وني
إنت بسعادة وفرح يا قاتلي واني
ليلت مسيرك معاده للصبح شديت


من جنت أمص بالجمع وي الدهر حربي
سواني مثل السلع حورة ولعب حربي
يضربني وانهض تحير واندهش حاربي
وصابر على ما جرى ضد أليالي وكضت
لكن ثياب الصبر بفراك ولفي انكضت
انت بمسير الولف ليله معاده وكضت
حربي عليهم ألا يوم الحشر حربي

هاتو سجلي وجيبو يا رفاقي القلم
تكتب على من بي ابعاده بالدليل القلم
لوجنت ادري من حروف الغرام القى ا لم
ماجان يسمر كضيت العمر بعنابك
ولاجان خليت كلبي يوم بعنابك
لا تفتخر لي زهى العنكود بعنابك
أني الذي من زغر بيدي زرعتك قلم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازهيريات من الديره
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السفينة  :: منتدى الكتاب والروايات الثقافية :: قسم الشعر وهمس الغوافي-
انتقل الى: